في إناء نحط الماء والزيت والبيض وخميرة والسمر وخميرة الحلويات نخلطهم مليح مليح بالفوي ونضيف الفرينة لي كنت زدتلها الملح حتى نتحصلو على عجينة طرية منعجنهاش نلمها بالاصابع فقط نديرها في كيس بلاستيكي ربع ساعة كي يفوت الوقت نحلها بسمك متوسط فوق المول ونثقبها بالفرشيطة نحط فوقها الحشو والكريمة وندخلها للفرن لي كنت سخنتو مسبقا كي تطيب اي تستوي مالتحت نضيفلها جبن مبشور ونحمرها مالفوق
___بالنسبة للحشو___
في مقلاة نحط شوية زيت ونسكرفج البص مع الثوم نقليهم مليح ونضيف الدجاج مرحي مع التوابل وطماطم مصبرة

بالنسبة للكريمة نحط في كاسرونة الحليب مع الجبن والمايزينة نخلطهم ونحطهم فوق النار غير تثقال نطفي ونضيفلها البيض ونحرك مليح باش البيض ميطيبش ونضيفلها خميرة الحلويات باش الحشو يجي منتفخ