بسم الله جيبي روبو وحطي فيه بصلة ثوم طماطم دبشة معدنوس وطحنيهم جيدا فرغيهم في كوكوطة وحطي عليهم دجاج وتوابل ولملح 3ملاعق زيت وخليها تتقلى

ثم مرقي لمرقة بعد ما تكون تقلات حوالي نصف لتر حسب دجاج ولوبيا وقفلي عليهم حتان يطيبو انا هذا هو مورصو دجاج لمتوفر

ثم جيبي لبطاطة وقشريها وقطعيها مربعات صغار واقليها في زيت

ثم كتتقلى لبطاطة ديريها كطبقة اولى ثم جيبي لمرقة تكون طابت فرغي لوبيا على لبطاطة وفتي عليها مورصو لجاج هذاك وديري كمية من اي لفرماج وقليل من بيشاميل

وحطي عليها قليل من لفرماج حطي لبطاطة لبقاتلك كطبقة منفوق وكملي كمية لبيشاميل اذ بقاتلك وكسري بيضة في لاصوص وخلطيها جيدا وفرغيها منفوق وعدليها مليح

دخليها طيب في الفرن تحمار منتحت ثم رجعيها تحمار من لفوق وتقدري تضيفي دجاج اكثر انا هذاك مكان عندي وقدمتها مع كسرة مبسة اني حاطة وصفتها وشهية طيبة