💐أول حاجة بسم الله: نشعل الفرن ، ونحضر الشاربات😋:
كاس ونص سكر + 3 كؤوس ماء +قطعة ليمون🍋 ونحطهم على النار ونحسب12د منذ بدء الغليان، ونحطها تبرد 💟

💐وباستعمال فرشيطة نخلط بيضتان🍳🍳 وفانلا وقرصة ملح + نص كاس سكر +مبشور الليمون(كان مجمد سكرفجتو رقيق🍋 أو: أعصريه) وابشري قشره (نخلط مليح) ، ثم نضيف نص كاس زيت ونخلط ثم كاس ناقص أصبع من الحليب ونخلط

💐ونلوح كاس معمر وطالع جبل🍚 من السميد +مغرف.ك فرينة +كيس الخميرة ونخلط

ونحضر لبلاطوالمربع الصغير خلاص (25/25سم) 🔲 ندهنو بشوي زيت ونرشو بفرينة ونفرغ الخليط ونطيبو على180أو 200درجة.ثم نسقيها بشاربات باردة. تقطع 16قطعة مربع💟 ،وشهيتكم طيبة

ملاحظة:
استعملي الدشيش(سميد أحرش) ومعه الفرينة.
أما إذا لم يتوفر استعملي السميد العادي مالشكارة لوحده.(بدون ملعقة الفرينة) عوضيها بالسميد أو نوادكوكو أفضل👌👌😋
💥وتكون أفضل إذا درتي كاس ممسوح من السميد لحرش +مغرف فرينة +ملعقتان.ك. أو 3 نوادكوكو✔

* وكيتعسليها تقدري تدهنيها بالقليل من المعجون وترشي كاوكاو بيستاش💚أو: نوادكوكو😍.. أو مربع بمربع..

💥وإذا تحبي تحضريها (ببيضة واحدة) أو بكمية كبيرة توجد بحسابي وصفات أخرى.. بسبوسة ناجحة💯 ب4بيض👈

والأطفال يفضلونها مزينة..ودائما أنصح بالإبتعاد عن السكر واقتناء المكسرات كبديل له..وتحضري مثلا (تارتولات المكسرات) لحميدة👑 من كوكباد أفضل..خاصة ان التارتولات تجمد وتستعمل وقت الحاجة👍

وبنفس العجينة تقدري تشكلي أيضا :ڨاطو المحڨن الرائع👍 اللذي يحبه الجميع💝⬅