نبدا بسم الله ونجيب السردين نفيه ونظفو ونغسلو مليح ونحطو في كسكاس ونحط عليه م ص ملح ونخليه حتى يقطر مليح ثم نجيب الفلفل الاسود والكمون وثوم بودرة وم ص طماطم نحطهم عالسردين ونخلطهم مليح باليد ونغطيهم بورق شفاف ونخليه حوالي 6س حتى تدخل التتبيلة فيه مليح

بعد مرور 6ساعات نجيب السمك تاعي نرمدو في كمية من الفرينة كل 3حبات مع بعض

نحط السردين في صحن ونجيب أولا حبة بطاطا نغسلها ونقطعها كما فالصورة ونحط زيت فالمقلاة ونقلي البطاطا أولا

بعد ماتقلات البطاطا نحطها فالصحن ونقص كمية الزيت وفي نفس المقلاة نقلي السردين تاعي

بعد ماطاب من جهة نقلبو عالجهة الاخرى حتى يتحمر ونجيب صحن التقديم لي كنا حطينا فيه البطاطا نحط فيه السردين تاعي ونحط كمية من صلصة الطماطم نقدمو معاهازينتو بشريحة ليمون