نحضر كل المكونات ونبدأ على بركة الله، في إناء نحط المارغرين والسكر الناعم وبودرة الشونتيي نخلط أولا بالسباتول حتى تندمج المكونات، ثم نضرب مليح بالمضرب الكهربائي (الباتور) حتى نتحصل على خليط كريمي.
ملاحظة مهمة:✔ استعملت مارغرين أوبلين لأنها لذيذة وتجي خفيفة وبيضاء قوامها رائع

نواصل الخفق ومرة على مرة نهبط الكريمة اللي في الحواف وفي الأخير نضيف الزيت بالتدريج مع الخلط المستمر حتى نتحصل على قوام كريمي وخفيف، ها هي واجدة👌🏻 هاد الوصفة تعتبر كقاعدة لكريمة الزبدة.

حبيتها بذوق الشكولا خديت منها قيس 100 غ وضفت عليها ملعقة كبيرة من شكولاتة الطلي (أوبتيلا) وملعقة صغيرة من الكاكاو البني المر من الأحسن تكون نوعية جيدة ونضربها مليح مليح حتى تتجانس كل المكونات.
ملاحظة مهمة:✔ باقي الكريمة قسمتها إلى 3 حصص كل قسم حطيت فيه النكهة اللي نحتاجها في الصابلي

إذا كان الجو سخون نفرغها في علبة محكمة الغلق ونحطها في الثلاجة لحين الإستعمال، كي نجي نخدم بيها نعمّرها في جيب حلواني.