اولا بسم الله الرحمن الرحيم وضعت الثوم في المهراس وهرستو ضفت عليه جميع التوابل والمقادير المذكورة وخلطتهم جيداً تحصلت على الدرسة

غسلت السردين ونزعت الراس والعمود الفقري منو وخليتو يقطر جيداً ثم عمرتو بالتتبيلة الدرسة تاعي كملت كامل الكمية اللي عندي ثم رمدتهم في الفرينة

وضعت مقلاة فيها الزيت خليتو يسخن ثم وضعت حباة السردين وخليتهم يتقلاو ويتحمرو جيداً من الجهتين نقطرو على ورق ماص ونكمل كامل الكمية اللي عندي نقدمو في صحن التقديم مع الليمون بالف صحة وعافية