في العجان أو باليد نضع الحليب +الخميرة + 2 ملاعق كبار فرينة (طحين او دقيق) ونخلط ونترك الخليط يتفاعل قليلا,ثم نضيف السكر +الزيت +البيضة وبياض البيضة (والصفار نحتفظ به لدهن)+ماء الزهر ونخلط ثم نضيف الفرينة (طحين) تدريجيا حتى نتحصل على عجينة طرية تلتصق باليد نغطيها بكيس بلاستيكي ونتركها حتى يضاعف حجمها

بعدما تختمر العجينة نرش طاولة العمل بالفرينة نهبطلها لخمور ونقسمها إلى 2كرات بنفس الحجم,نطرح القرصة باليد بشكل طولي كما في الصورة

نلف العجينة من الأعلى إلى الأسفل مع الضغط بالأصابع ثم نفس العملية على الجوانب ونكورها.

نقوم بنفس الطريقة مع القطعة الثانية,نخليهم يرتاحو قليلا ثم نفتح العجينة بالإستعانة دائما بالفرينة ونحلها على سمك 1سم

ندهن بالشوكولاته جميع سطح العجينة ونغطيها بالعجينة الثانية بعدما طرحناها هي الأخرى, نقسم الدائرة كيما اي مثل نقسم الكرواسو ونلويها حتى تأخد الشكل

نحط حبات الكرواسو في مول دائري قطره 28 مدهون بالزبدة مرشوش بالفرينة ونغطيهم ونتركهم حتى يختمرو مرة ثانية.

بعد الإختمار ندهنوهم بصفار البيضة فيها قطرات من الخل وندخلهم للفرن مسخن على درجة حرارة 180 درجة حتى يطيبو(لازم متكونش النار قاوية بزااااف باه البريوش يطيب, اي يستوي بشكل جيد من الداخل لأنو عالي)

التزيين هنا إختياري أنا رشيت عليهم سكر ناعم, يمكن تدهونوهم بالمعجون أو ناباج أو حتى تخليوهم هكذا الحقيقة يجيو رووووعة