نفصل البياض ونحطلو نصف كمية السكرمع رشة ملح ونصف ملعقة فانيلا ونطلعها بالمضرب الكهربائي بشكل ميرانق.وكذلك الاصفر نطلعو مع السكر المتبقي والفاني والخميرة والفرينة.

بعدها نحط اابياض على الصفار على ثلاث مراحل ونخلط بالملعقة من الاسفل للأعلى وبهدوء حتى نتحصل على خليط كريمي.خفيف

نفرش ورق الطبخ ونفرغ الخليط عليه وندخله الفرن المسخن مسبقا تستوي من الاسفل ثم نحمرها من فوق بعدما طابت وبردت. قطعتها بالقالب (إختياري) وشربت كل قلب نحطو بعصير الأناناس ودرت الكريمة بين كل طبقة

آخر شيء عملت كأس بودرة الشانتي طلعتها بأكس إلا ربع عصير الأناناس وغلفت بيها الكيكة ودخلتها للثلاجة تبرد وذوبت علبة شوكولاته نتركها تبرد شوية ونصبها فوق القلب.ونزين بباقي الشانتيه والمكسرات اللي حطيتها في الكريمة.

بالنسبة للكريمة : نحط الحليب والنشاء نحلله في حليب بارد ونرجعو لباقي الحليب ونحط السكر ونحرك جيداً فوق النار حتى يثقل الخليط نطفي النار ونضيف المكسرات الموجودة وعلبة الشوكولاتة ونخلطهم.ثم نتركويبرد مليح.وبعدها نحط منه بين الطبقات.

ملاحظة :من الاحسن لما نغلف الكيك بالسونتي تبرد مليح لأن إذا وضعنا الشوكولاتة فوقها دافيا رايحة تذوب كما صراتلي 😊 وأسرعت حركتها بعود الاسنان وخرجلي الشكل مخطط.

الجينواز هزيتها على قناة إسمها وصفات سارة.هذه المكونات تعها وأنا زدت نصف الكمية وكذلك غيرت الطريقة فقط المقادير هزيتهم عليها.أنا دارتلي 3قلوب كاملين والرابع جاني ناقص وليت كملتلو بالزوائد وحطيتها في الوسط.