نخلط البيض + السكر مليح ثم زيدي فانيلا ومبشور الليمون + كاس زيت ونواصل الخلط ثم زيدي المايزينة ونخلط الخمارة مع الفرينة ونلم بيها العجينة حتى نتحصلو على عجينة طرية نخلوها ترتاح قليلا فقط.

نكور كويرات من العجين ونديرهم في مول السيليكون ثم نقلب المول في الصينية لي تدخل للفرن كما موضح في الشكل ونديرها الطيب.

كي يطيبو نحيهم (نبعدهم) من المول وخليهم يبردو تماما.

زينيهم كما تريدين انا درت في الوسط معجون ملون بالاحمر وخطوط من الشوكولاته حسب شكل الحلوة ودردرت فوقها الحلوة الملونة الرقيقة وهذا هو الشكل النهائي حلوة اقتصادية بسيطة جداً ان شاء الله تعجبكم والتزيين هذا على طريقتي.وبصحتكم.