بسم الله

ننظف السردين جيداً ونداويه

نحضر مقلاة والاحسن انها تكون نوعية رفيعة باه مايلصقش

نرمد السردين في الفرينة ونبدا نشكل فيه في المقلاة على شكل زهرة (قرنبيط) عشاق الشمس ونحاول انها تكون حبة عند اختها كما هو موضح في الصورة

بعدها نحطها فوق النار ونصب تقريب نصف فنجان من الزيت ونخليه حتى يطيب, اي يستوي من الاسفل ونقلبو خبزة السردين بالاستعانة بالغطاء نفس طريقة خبزة البطاطا ونصفي الزيت في صحن آخر

نكمل الطياب من الجهة الثانية ونفرغ الزيت لي صفيناه في المقلاة حتى يأخذ التحميرة

الديكور يرجع الى كل سيدة والى كل ما يحضر في البيت والبنة أظن انها في البساطة

هدفي في النشر هو اننا نتعلمو من بعضانا ونعلمو بعضانا وماكانش لي خلق معلم ونشكر كل وحدة راهي تتعب باه توصل الرسالة رسالة الطبخ الى غيرها بكل صدق.