اولا تخلطي المرغرين مع السكر والبيض حتى يتجانسو تضيفي رشة الملح والافاني والزيت وتخلطي ثم تضيفي النشاء و وخميرة الحلويات و الفرينة (طحين) بالتدريج حتى تتحصلي على عجينة طرية

تعمري كيسات التارتولات المدورة او المربعة حسب اختيارك بالعجين وتثقبيها كامل بالشوكة تدخليها للفرن تطيب اي تستوي

كي تطيب اي تستوي خليها تبرد ونحيها من الكيسات ثم ديريهم في العسل يتعسلو ثم حطيهم في كسكاس يقطرو

للحشو ديري كاوكاو مقلي ومرحي مع حلوة الترك واجمليهم بالنستله كراميل احشي تارتولات ثم ضعي فوقها القليل من كاوكاو شرائح وللجوانب زيني بملمع ذهبي خشن او حبيبات الحلوة ومن الفوق تزين بكرية حلوة او وردة من عجينة السكر