نخلط البيض مع المارغرين مليح حتى تولي كريمي نزيدو الزيت والسكر و الفاني ونخلطو نديرو المايزينو فالغربال ونزيدو الفرينة مع الخميرة ونلمو غير بصباعتينا ومانشفوش العجينة باش تجي طرية وهشيشة، نشكلوها فالمول تاع السيليكون اللي نحبوه ونعسوها مليح بالفرن كي تكون تطيب كي نحوها من المول نخلوها تبرد مليح باش تشد روحها في نفس الوقت نحطو الشيكولا تذوب في حمام مريم، نديرو شوية شيكولا فالمول اللي طيبنا فيه ونحطو الحلوة عليها ونضغطو غير بلعقل باش ما تتكسرش حتى تغطيها كامل ونخلوها تبرد نحوها ونشبحوها بالحلقومة.