#تحدي الصندوق السري البيض، الجبن،الطماطم مكونات الصندوق السري طبق عشاء خفيف ظريف سلاك الحاصلين(الوصفة عملتها من قبل لكن من دون سلق وبلا صوص)

#من_القلب وصفة لذيذة بمكونات بسيطة

#يوميات_رمضان

النهار قصار وبداتك الحيرة واش ديري غذاء واش ديري عشاء الخير كاين الحصلة حاضرة رولي نتاع البطاطا لي كل مانديرو تعجبهم بنتو ارواحي تشوفي كيفاش نديرو قشري وسكرفجي حبيبات بطاطا صفيها من ماءها حطي عليها البيض الملح فلفل اسود وفرماج مبشور كتري وقولي مادرتش زيدي المعدنوس خلطيهم مليح وفرغيها في سنيوة فيها لبابي وحطيها طيب على 180°لمدة 30 دقيقة بلااااكي تقولي ماطيبليش بيسك راح تذوب ذوبان نجوز للحشو لي تقدري تبدعي فيها كيمن تحبي سبقت بصلة صغيرة ذبلتها ضفتلها صدر اللجاج والسلق مع ملح وفلفل اسود وبلا ماننسى الثوم بصراحة الحشو قعدلي من لبوراك نتاع لبارح مع صلصة البيشاميل تقالتلي فرشتها فوق هذيك البطاطا مع الحشو نتاع السلق والجاج واكيد الفرماج وروليت عادي راح تترولالكم بسهولة ماتتكسر ماوالو عمريها فرماج من الفوق ورديها للفور تتڨراتينا وهاذي هي النتيجة واااعرة ومعمرة بنة لازم تجربوها وتمدولي رايكم فيهااحتفظو مليح مليح بالوصفة راهي من أنجح وصفاتي المجربة 😊😍

#التحدي_الفضي

وصفة لذيذة وسهلة

#الشيف_الذهبي

😋 سهل ولذيذ