اولا في طنجرة نضع الزيت و السمن و قطع الدجاج يتقلاو

و نضيف لهم البصل و الثوم و الملح و التوابل و الطماطم المفرومة

نخلطهم و نخليهم يتقلاو مليح مليح على نار هادية

ونمرق حتى يتغطا الدجاج ونخلي حتى الدجاج يدخلو طياب و نضيفلو الخضر و ملعقة طماطم مصبرة و ندوق إدا مخصوص الملح نزيدلو و نخلي الكل يطيب (يستوي)و نضيف لحميصة و تصبح جاهزة

اما العجين : نضع السميد رطب مع الملح

و نبلل بالماء حتى تصبح عجينة متماسكة

نبلل الكيس بالماء الدافئ و نضع العجين بداخل و نغطيه بقطعة من قماش و نخليه يرتاح

من بعدما ارتاح نعجنو شوية ونبلل يدي بالماء و نزيد نعجن يصبح لونه ابيض و ناعم و يصبح فيه فقعات وتسمعيه يطرطق يعني راهو جاهز

نشكل كرات و ندهنهم بزيت ونخليه يرتاح

و نبدأ نطيب فيه فوق الطاجين تاع حديد يكون تقيل وسخون على نار هادئة ونحلها مليح حتى تصبح شفافة و نحط واحدة فوق واحدة ونقلب من جيهتين

كي نكمل كل الكرات نقطعهم بيدي قطع صغيرة نفورها مرة واحدة و ندهنها بزبدة

و تسقا بلمرق الله الله شهيتكم فلجنة