التعليقات على وصفة
💕 بطبوط 💕
Rania♥️ Chekkal♥️ @cook_24314432
الله يسلمك حببتي شهيتك في الجنة ان شااء الله انا عايزة اتعلم كبدة اسكندراني 😍🥰
Esraa Hussein @EssoHussein992
عينيا ليكي بصي هي ليها اكتر من طريقة بس ابسط طريقه انك هتنقعي الكبده ف حليب نصف ساعة علشان نتخلص من كل سموم اللي فيها وتصفيها بعد كده بدون ماتغسليها وبعدين هتجيبي بولة وهتخلطي معلقه صغيرة ملح مع معلقه صغيره فلفل اسود و ١/٢ معلقه صغيره كمون و ١/٢ معلقه كبيره توم مهروس ومعلقتين كبار من الخل مع بعض كويس لوي وهنحطهم على ١/٢ كيلو كبده مقطعة شرايح طولية رفيعه شوية ونخلطهم كويس اوي ونحطها ف تلاجة لمدة نصف ساعة وبعدين ف طاسة ع النار فيها شوية زيت هحط الكبدة واقلب تتشوح شوية وانزل عليها بفلفل رومي اخضر مقطع شرايح او قطع صغيره وانزل بالبصل كمان ( هتقطعي بصل زي ما هتقطعي الفلفل يعني لاما كلهم شرايح طولية لاما قطع صغيرة) هقلب عليهم كويس واسيبهم ع نار دقيقه لحد ماتستوي كده و قبل ما اشيلها احط رشة بقدونس مفروم وممكن تعصير نص ليمونه صغيره وقلبيهم واقفلي عليهم وبألف هنا♥️
Rania♥️ Chekkal♥️ @cook_24314432
شكرا حببتي ♥️ حجربها وان شاء الله و اشاركها معاكم تسلميلي حببتي 😘🥰😘
