الخطوات
- 1
هنبشر البصلة ونديها تشويحة على النار في ملعقة الزبدة
- 2
ونكون مقطعين الكبد والقوانص بتاعة الحمام وننزلها عالبصلة تتشوح برضه
- 3
ننزل الرز والتوابل ونحط مقدار الماء فوق الرز بعقلة صوباع
- 4
اول مالرز يتشرب الماء نسيبه يهدى ونكون مصفيين الحمام من الماء والجلد مفصول عن اللحم
- 5
ونبتدى نحشي مابين الجلد واللحم وجوة الحمامة طبعاً مانكبسش الرز اوي علشان يستوي كويس وعشان الجلد مايطرقعش
- 6
نكون مجهزين حلة ماء مغليةوفيها بصلة مشقوقة اربع تربع وطماطماية مشقوقة وورق لورا وفلفل وبهارات
- 7
ننزل فيها الحمام يستوي اول ماتلاقى اللحم ابتدى يفصل عن عضم الرجل يبقى استوى ونطفى عليه ونطلعه ونصفيه من الشوربة ونسيبه يهدى
- 8
ندهنه لبن و يااما يتحمر في حتة سمنة يااما ندهنه صلصة وندخله الفرن ياخذ تحميره وبالهنا والشفا
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
انا ست بيت حاولت استغل فراغى فى حاجة مفيدة اتعلمت اكلات كتيرة وبسبب حبى للمطبخ اكلى بقى حلو جدا بشهادة كل اللى جربوه فاقررت انقل خبرتى للحابب يتعلم يمكن حد يستفيد منى ونفسى الناس كلها تجرب اكلاتى ويبقى عندى برنامج اعمل فيه اكلاتى وناس اكتر تتعلم منى
اقرأ المزيد... وصفات مشابهة
وصفات ننصحك بمشاهدتها
https://cookpad.wasmer.app/eg/%D9%88%D8%B5%D9%81%D8%A7%D8%AA/11397591
التعليقات