1

اولا حاجه نعمل ديسك كنافه يكون رفيع نجيب ربع الكنافه نفرمها كويس بالكبه أو بايدنا نكون حطنها في الفريزر عشان تتفرك بسرعه ونحط معها ربع كوب سمنه ومعلقتين سكر ونقلبها كويس ونفردها في صينيه متوسطه مدهونه سمنه ونضغط عليها كويس ندخلها في النص لحد ما تتحمر من تحت ذهبي وبعدين نفتح الشويه دقيقتين ونطفي عليها ونزودها بالشربات البرد ونسيبها تبرد خالص
2

نحضر البسبوسه في طبق نحط نص كوب لبن وربع كوب سكر ومعلقه عسل كبيره وندوبهم كويس. وفي طبق تاني نحط ربع البسبوسه مع معلقتين كبر سمنه ونبس البسبوسه كويس منقلبهيش نبسها لحد ما تتشرب السمنه ونضيف عليها الطبق اللي فيه اللبن والسكر والعسل اللي دوبنهم على البسبوسه
3

ونبس بايدنا منعجنش نقلب تقلب بسيط وبعدين نجيب صينيه وسط مدهونه سمنه ونفرد البسبوسه وندخلها الفرن في النص تحمر من تحت ونفتح دقيقتين الشوايه من فوق وتطلع نزودها شربات ساخن نغطها وندخلها الفرن في سخونه الفرن بعد ما اتطفي٥ دقائق وبعدين نطلعها تبرد
4

الكريمه اللي هنحشي بيها المدلعه ربع كريم شانتيه مع نص كوب لبن مثلج مع علبه قشطه او كيس لبن نيدو او معلقتين كاسترد ونضربهم كويس مع بعض وندخلهم الثلاجه
5

صوص الكراميل كوب سكر قد ربع كيلو كده نحطه على النار لحد ما يتكرمل ويسيح خالص ويبقى لونه بني فاتح ننزل كوب لبن دفئ مش بارد ربع كيلو ونقلب هيكلكع ده عادي تفضلي تقلبي لحد ما يسيح ومعاهم ملعقة سمنه او زبده وتقلبي لحد ما يتقل يدخل الثلاجه هيطلع تقيل ومظبوط
6

شربات الكنافه والبسوسه الكميه دي تكفي الاتنين كوب ونص ماء. كوب ونص سكر يغلي غلوه ونحط نقطتين ليمون يغلي تاني ونطفي ونحط الفانيليا ومعلقه سمنه كبيره
7

صوص الشوكولاته. ربع كيلو لبن مع ربع مكعبات شوكولاته خام وندوبهم كويس على النار وبعد ما نطفي ملعقة زيت كبيره او زبده عشان تلمع الصوص
8

اول حاجه هنحط الكنافه وفوقها طبقه الكريمه البيضه ونوزعها كويس ونحط طبقه البسبوسه ونكمل باقي الكريمه على وجه البسوسه تدخل الثلاجه نص ساعة الكريمه تجمد وتطلع نحط عليها صوص الكراميل ونجيب صوص الشوكولاته في كيس ونفتح فتحه صغيرة جداً ونلف على وجه الكراميل نعمله دوريات ونجيب الخله ونشكل الوجه زي ما احنا عاوزين. وبالف هنا وشفا