اللحمة المفرومه بتاعتى أضيف عليها فلفل اسود وملح وبصله مفرومه وحوالى ٣ فصوص ثوم مفروم واخلطهم جيداً وبعد كده اشكلها على هيئه كور واعفرها في دقيق

في حله على النار فيها اي ماده دهنيه سمن او زيت وننزل ببصله مفرومه وانزل معاها الكفته بتاعتى يتشوحوا سوى واضيف ورق اللورا والحبهان وفلفل اسود وبهارات لحمة وفي الاخر أضيف عليها ٣ فصوص ثوم مفروم

بعد كده أضيف للكفته بتاعتى عصير الطماطم او الصلصة واقلبهم جيداً وانزل بكيس المعكرونه على الكفته و المعكرونه تكون ناشفه من الكيس مباشره على الكفته متكونش مسلوقه وازود عليها ماء ساخنه واسيبها تغلى شويه وبعد كده اقلبها في طاجن بايركس واطيها بالفويل وتدخل فرن ساخن حتى تمام النضج وبالف هنااا