هنحط البيض و عليه الفانليا و نضرب على سرعه عاليه و ننزل بالسكر شويه بشويه كده و احنا بنضرب لحد ما البيض لونه يفتح و يعلى و يمسك نفسه خالص زي الكريمه نجيب كوباية الدقيق ف بوله صغيرة و حطي عليه البيكينج بودر و رشه الملح و قلبيهم بعدين نزليهم على البيض بالراحه و قلبيهم بالراحه مش بالمضرب الكهربي لحد ما يمتزجوا كده حطيهم ف صنيه مقاس ٢١×٢١ مدهونه زيت كويس و على فرن سخن ١٧٥ لمده من ٢٥ ل ٣٠ دقيقه ف الرف الوسطاني و اعملي اختبار بالخله لو طلعت فاضيه تمام طلعيها تبرد او تدفى حتى

بعد ما تهدى خالص نخرمها كده بالخله و بعدين نسقيها بخليط اللبن و الكريمه

بعدين نغطيها و نحطها ف التلاجه و بعدين نعمل الكريمه و نحطها شويه ف التلاجه اللي هي كوباية كريمه حلويات عليها كيس دريم ويب و معلقه سكر بودر و نضربها لحد ما تبقى ماسكه لو قلبنا الطبق ميتقلبش اللي جواه تمام و نحطها حيه ف التلاجه

الكراميل يا ريت نعمله اول حاجه خاص عشان عقبال ما نخلص يكون برد هنجيب السكر و عليها الميه تمام و نحطه على نار هاديه خالص لحد ما السكر يدوب و منقلبش خالص اول ما يدوب نعلي هيبدأ يغلي هنسيبه يغلي و نبقى جنبه عشان ميتحرقش هيبدق يغمق نقلب ساعتها بمضرب حديد و ناخد بالنا عشان الكراميل بيحرق خدي بالك جامد و افضلي قلبي بالراحه اوي اول ما اللون يبقى دهبي غامل كده نحط الزبده و الكريمه و نقلبي كويس لحد ما الخليط يبقى دايب يعني لو مسك شويه افضلي قلبي على نار هاديه كده هيدوب كله و هيبقى تحفه و سبيه يبرد