اولا العجينة : اخلط الدقيق والملح وانزل بالماء حبة حبة لحد لما تتكون عندي عجينة وبعدين ادخلها التلاجة ترتاح شوية وتمسك ،

ثانيا الحشوة : في طاسة احط زبدة وانزل الفراخ تتشوح لحد لما تتغير لونها وبعدين البصل والبهارات وباقي المكونات ماعدا الكزبرة بعد لما اطفي عليها احط الكزبرة واقلب ،

بعد كدة افرد العجينة رفيع واقطعها بقطاعة او كوباية واحشيها زي القطايف واجيب اطرفاها علي بعض وعلي ورق زبدة احطها وادهن الوجه زيت وادخلها الفرن لحد لما تاخد لون من تحت وبعدين افتح الشواية من فوق تاخد لون ،

ثالثا الصوص : اقلب مكونات الصوص علي البارد وارفعه علي النار لحد لما يتقل ، واجهز التقلية في طاسة اضع زبدة ومكونات التقلية لحد لما تتدبل وانزل بيها علي الصوص وبعدين انزل فيها الشيش برك واقلبهم جميعا وازينها باللوز المحمص وبس كدة ،

ملحوظة : ١/في بلاد بتضيف لمكونات العجينة (٣ م ك لبن بودرة ، م ص بيكنج باودر) ضفيها لو تحبي ، ٢/ممكن بعد لما تحشي العجينة قدامك ٣ طرق بتتعمل بيها (يا اما تدخليها الفرن زي ما عملت ، او تقليها ، او تنزليها في الصوص تتسلق لمد ١٠ دقايق) ، ٣/ الصوص الاساسي في الوصفة الاصلية هو الزبادي بس لكن انا مزجت بين اللبن والزبادي فوصفتي ، ٤/الحشوة المعتادة هي لحمة مفرومة لكن انا غيرت لمفروم دجاج ،،

قدمتها مع (سلطة تبولة) و(ارز بالشعيرية مفلفل) من وصفاتي وبالف هنا 🙂.