ورق الخس يُغسل ويوضع في كيس ويفرز لوقت استخدامه.. وعند الاستخدام نخرجه من الفريزر قبل عمل المحشي بثلاث ساعات تقريبا حتى يتفكك ويذوب الثلج ونعامله برفق حتى لا يتكسر أثناء تجمده لأنه بيكون كالبلور الرقيق

لتجهيز خلطة المحشي بأفرم البصل وأضيفه على البارد مع الزيت وعصير الطماطم وارفعهم على النار حتي يتكثف المزيج ده ويصبح قواما كثيف بدون سوائل كثيرة..

بعد ذلك بأغسل الارز وأضيف لصلصة البصادل والطماطم ومعه معلقتي الهريسة الحمراء والهضراء او الثوم المفروم مع الفلفل.. كمان باضيف الخضراوات المفرومة اللي هي شبت وبقدونس وكزبرة وحبتين الفلفل المقطعين مكعبات صغيرة ثم التوابل كلها والملح وأقلب المكونات جيدا حتى تصير الخلطة جاهزة..

بعدها ابتدي في حشو روق الخس واحدة واحد بيكون طري ومتماسك ممكن نشيل منه العروق لو كانت كبيرة وممكن نتركها لو كانت رقيقة..

بنرص في الحلة شرائح طماطم وجزر او حسب الرغبة ممكن نضيف فلفل أخضر مثلا بيعطي نكهة جميلة للمحشي بعدها برص المحشي برفق وفن ونسقي المحشي بكوب شوربة مذاب فيه ملعقة زبدة وملعقة صلصة وملعقتي زيت وممكن كمان رشة سكر ويسوى على نار هادية دون كشف الغطاء عليه حفاظا على اللون.. بيستغرق في التسوية حوالي ساعة وثلث على الهادي..