الخطوات
- 1
نضع المواد الجافة في طبق ونخلطهم كويس وبعدين نضيف الزبدة(زبدة سائلة)والبيض والفانيلا واللبن ونعجن لو احتاجت دقيق هنحط لحد ما تبقي عجينة طرية مش بتلزق
- 2
عشان نضيع زفارة البيض هنحط علية نقطتين تلاتة خل مش هيبان في العجينة وهيضيع زفارة البيض والفانيلا هتديلة ريحة حلوة بعدين هنسيب العجينة تخمر
- 3
لو عايزين العجينة تخمر بسرعة او مستعجلين عليهاا ممكن ندفي الفرن شوية ونحط العجينة فية ونسيبها تخمر هتاخد وقت أقل
- 4
انا حطيت ١معلقة وحبة صغيرين (حوالي ١٢جرام) سكر بس عشان ما يتحمرش بسرعة في الزيت ويتحرق عشان السكر بيحمر العجينة بسرعة جداا وممكن تتحرق ومنلحقش نطلعهاا
- 5
بعد مالعجينة تخمر هنفردها وهيبقي سُمك العجينة مش رقيق هنفردهاا سميكة شوية وبعدين هنقطعها بالقطاعة او اللي مش متوفر عندة ممكن يقطعها ب مج كبير او كوباية او غطاء اي حاجه وعشان نعمل الفجوة اللي في النص ممكن ب غطاء ازازة 😂 او اي قطاعه متوفرة
- 6
بعد ما نخلص العجينة هنسيبها تخمر شوية عشان نحطها في الزيت تنفش وتبقي هشة من جوة
- 7
هنقليها في زيت سخن وبعد ما تبرد ممكن نحطها في صوص شوكلاتة او جليز الدوناتس بس انا مجربتهوش بصراحه انا حطيتة في شوكلاتة
- 8
بالنسبة لجليز الدوناتس هنحط السكر علي اللبن ونقلب لحد مالسكر يدوب وبعدين نحط الدوناتس فية....زي ماتحبوا بقي ممكن نحطة في شوكلاتة او الجليز وممكن برضو نحط فارمسيل او سباركيل هيديلة شكل حلو اوي
- 9
بس كدا وألف هنا 🤭💖
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (9)