أولاً في طبق غويط نضع دقيق الأسبونج الجاهز عليه البيض والماء والخل والفانيليا ونضربهم بمضرب كهربائي كويس جدا لحد لما يتقل القوام ويكون كريمي 😍

نحضر صينيه مقاس وسط وندهنها بالذبدة ونرشها بالدقيق ونضع فيها خليط الكيك وبعد كده هندخلها الفرن على درجة حرارة ١٨٠ حوالي نصف ساعة ولما تستوي نخرجها من الفرن ونسبها تبرد خالص 😍

نحضر الكريمه بنضرب ٢كوب من الكريمه البودره مع ٢كوب من اللبن المثلج ونضع عليهم ٢ملعقه من الكاكاو الخام ولو أحتاجت الكريمة سكر حوطي ملعقه كبيرة من السكر البودره أو ملعقتين حسب ذوقك في الطعم ونضربهم بمضرب كهربائي كويس جدا لحد لما يتقل القوام ويكون كريمي ونضعه في الثلاجه لحد لما نستخدمه بعد كدة😍

نحضر الكيك بنقسم الكيك نصفين ونضع على كل نصف قليل من اللبن أو شربات الحلويات الخفيف ونضع كريم شانتي على طبقه من الكيك وبعدين نضع الطبقتين فوق بعض ونضع الكريم شانتي على الكيك كلة ونساوية كويس وبعدين نضع صوص شيكولاته على الكيك من فوق ونزين الكيك بعد كدة بشيكولاته مالتيزرز و ندخلها الثلاجة حوالي ساعتين😍

بعد كده قطعيها وقدميها حلوه اوي 😋👍 بجد والأسبونج هش وخفيف جربيها هتعجبك جداً وبالهنا والعافية يارب عليكي حبيبتي 😘💕🌹