هنفرغ كيس الخميرة في كوب مع معلقتين السكر وشوية ماية دافيين ونقلبهم وبعدين نغطيهم ونسيبهم خمس دقايق

هنحط المكونات الجافة مع بعض الدقيق والبيكنج بودر ورشة الملح

هنكسر البيضة في بولة ونفضى عليها كيس فانيليا ونقلب كويس

وبعدين نحط نص كوب اللبن مع نص كوب ماء وندفيهم ونضيف نصهم علي البيضة ونخلي الباقي نعجن بيهم ونقلب

بعدين نسيح معلقتين الزبدة ونضيفهم علي المكون ونكمل تقليب

بعدين ننزل بالدقيق ونمزجهم مع بعض وبعدين نضيف الخميرة ونعجن كويس

بعدين نفردها ونقطع نعمل شكل الدوناتس ونحطها في فرن دافي تخمر نص ساعة

بعد ما تخمر نسخن الزيت ونحمرها ونطلعها علي طبق عليه مناديل علشان تمتص الزيت

بعدين نزوقها بالشوكليت