المقادير لعمل تورته مقاس 32 طبقتين ولو عايزاها اعلى زي مانا عملت المره دي صغري الصنيه وبطني الصنيه بورق الزبده وتعلي الاطراف تلات طبقات مقاس الصنيه 24مبطنه بورقة زبده ومعليه الأطراف

وملحوظه قبل الطريقه الكريم شانتيه الاحلى كريم شانتيه خاااااام لان الاكياس موش اوي والسايب فيه منو بسكر وخام اللي بسكر ده مغشوش وموش حلو خااااالص وحطي عليه شوية سكر بودره اثناء الضرب

افتح الفرن يسخن على حرارة 180او 200 ثم نبدأ ‏بالمضرب الكهربا نضرب البيض والملح والفانيليا والمحسن الجل كويس ونضيف السكر البودر شويه شويه ونضرب لحد ماتبقى شبه الكريما وتقيله حوالي تلات او خمس دقايق ونحط الميه ونضرب والبيكنج ونضرب وبعدين الدقيق ونقلب بالاسباتيولا كويس وبس ونحطهم في صنيه مبطنه بورق زبده

وبعد حوالي ساعه الاتلت او نصف ساعه اقفل عليها الفرن واسيبها جوا الفرن حوالي نصف ساعه واخرجها واسيبها تبرد تماما وعالتلاجه في علبه مقفوله لتاني يوم

وفي نفس اليوم بعمل الكريم شانتيه والشربات الخفيف شربات عادي بخفو بميه واحطوا في بخاخه وعالتلاجه كلهم لتاني يوم

تضرب الكريمه والسكر البودر والماء المثلج حتى الحصول على كريمه متماسكه جدا لا تقع ولا يكون بها طعم بودر ة الكريمه

واطلعها تاني يوم واقسمها وارش كل طبقه وبقلب الضهر والوش لجوا وارش الشربات المخفف واحط الكريمه وهكذا واخر طبقه حطي الكريمه وبعدين باللي بتفردي بيها الكريمه بليها بالميه وساوي الوش اكتر هيتساوى احلى وأكتر من مره بلي وساوي وممكن كل الطبقات كده وزينيها وعالتلاجه في العلبه المقفوله لتالت يوم وتتاكل أو بعد موش أقل من 6ساعات

طريقة التقسيم اعملي علامه بالسكينه المشرشره وهاتي خيط سميك بيسموه بتاع اللحمه وحددي بالعرض كله وشدي من جنب وجنب لحد ما يتلاقى الطرفين شديهم مع بعض وهكذا أسهل من تقسيم السكينه أو منشار التقسيم او اي طريقه تيسرلك ذالك