على نار وسط استخدمت حلة صغيرة، نزلت فيها حليب -2 ملعقة سكر -سميد -فانيليا، قلبتهم مع بعض لحد ما تقل و سيبتو يبرد ربع ساعه، فى طبق عميق نزلت بيض -فانيليا -2 ملعقة سكر، وقلبتهم كويس، نزلت الخليط دا بالتدريج على خليط السميد، ضيفت فى النهاية ملعقة ك زبدة

فردت 11 طبقة جلاش على فوطة و غطيتها بفوطة تانية، دهنت صينية الفرن بالزبدة، وزعت 10 طبقات فى الصينية، طبقة بالطول واللى بعدها بالعرض، لكن نصف القطعه فقط داخل الصينيه و الباقى برة، نزلت خليط السميد و قفلت الاطراف عليها و كدا باقى قطعه واحدة فردتها على الوجة ودهنتها زبدة، طبعا بين كل الطبقات دهنت بالزبدة، قطعت بالسكينه الوجة فقط "يعنى مانزلتش السكينة للاخر"

دخلت فرن ساخن مسبقاً على حراره 190 لمدة تتراوح من 35 لـ 40 دقيقه، بعد ما اخدت لون من فوق طلعتها و وزعت عليها الشربات، غطيتها ربع ساعه وقطعتها.