الكريمة في كسرونة نحط النشاء والسكر والفانيليا والحليب البودرة وصفار البيض نخلطهم شوية ونضيف لتير حليب نخلط بارد في بارد و نحطها فوق النار مع التحريك المستمر حتى تثقل عندنا الكريمة و تبدا تدير في فقاعات. نحيها من النار و نقلبها في بول كبير نضيف عليها بودرة الشانتيي ونخلطها مليح بالباتور لمدة 5 دقايق و كإظافة لي حبت تزيد ملعقة شوكولاطة طارتيني بيضاء اختياري يمكن تستغناي عليها و نخليها على جنبِ

نروحو نوجدو البيسكويت تاعنا نشربوه غير شوية برك في خليط النسكافيه و الكاكاو و للسكر

نذوبوهم في قليل من الماء و نبدا نستف فيهم فليمول لي عندنا تحبو مول كبير و لا ليمول صغار كيكا تحبو حبوباتي ثم نجي ندير طبقة كريمة و نزيد طبقة بسكويت و طبقة ثانية من الكريمة نكمل كامل الكمية لي عندي وكأخر خطوة نحطو القاناش تعنا

بالنسبة للتزيين اختياري حبوبتي تقدري تزينيها بجوز الهند تجي تهبل وبصحتكم حبوباتي

للقاناش: نحطو الكريمة تعنا فوق النار حتى تغلي ثم نضيف عليها كمية الشوكولاطة لي نكون قطعتها قطع صغار باش تذوبلي بالخف والزبدة ونخلط مليح حتى تذوب كامل المكونات ونحطها فوق الاكواب تعنا