نغسل الفرخه كويسه ونقطعها قطع حسب رغبتنا وتتنقع في ملح وخل وليمون ودي خطوه مهمه اووي ونعمل بالسكينه فتحات طويله في قطع الفراخ

نضيف كل المكونات التوابل والزبادي والفلفل الاحمر اذا بتحبو الاكل حراق (سبايسي) وشويه زيت ونخلطهم ببعض كويس ونتاكد ان مكعب المرقه اطحن مع التتبيله

على الفراخ وننزل بالتتبيله وندخل في الفتحات الى عملناها التتبيله ونسيبها اقل حاجه ٤ ساعات ووياسلام لو ليله في الثلاجه تتشرب من التتبيله يكون افضل

في طاسه بغطا او حله او الجريل الدبل وننزل بالزبده وحبه زيت والزبده تسيح وننزل بقطع الفراخ تأخذ صدمه على نار عاليه وبعد كده نخفف النار ونغطي القدر الى بنسوي فيه لمده نص ساعة

بعد النص ساعة نشيل الغطا ونرفع النار شويه ونبدأ نقلب في القطع لحد ماتاخد لون احمر في بني ودهبي وكده بقت تمام واستوت وممكن ندخل فيها سكينه عشان نتاكد ان اللحم استوي على النار نولع فحمه وبعدين نحطها في الفراخ ونطفيها بشويه زيت ونحط الغطا تاني دقيتين وناكلها بقي وبس كده
نور محي الدين - Nour mohy eldeen