شيش طاووق بس بالكفته 😍😉😋
الكميه اللي عملتها عملت لي ٨ ستيك من بتوع الشيش طاووق ❤
الخطوات
- 1
احنا عندنا حاجتين بنحضرهم اول حاجه الكفته و تاني حاجه الخضار بتاع الشيش طاووق..
اول حاجه الكفته : - 2
في الكبه هنحط البصل و البقدونس و نفرمهم ناعم اوي و بعدين نصفي مياه البصل في طبق صغير كويس و نسيب تفل البصل ف الكبه
- 3
نضيف اللحمه المفرومه علي تفل البصل و البقدونس و نضيف البهارات والملح و معلقه كبيره زيت و البيكنج باودر
- 4
بعد ما نفرمهم ف الكبه مرتين تلاته كده ناخدهم بقا ف بوله و نفضل بايدينا نعجن فيها كده و نسيبها ف التلاجه من ربع لنصف ساعه كده ده بيخليها تمسك و تتشكل بسهوله
- 5
ناخد بقا قطع الخضار اللي هنحطها ف الشيش طاووق نحط عليها رشه ملح و فلفل و ممكن معلقه زيت زيتون ده اختياري بس بتدي طعم تحفه 😋
- 6
هنبل ستيك الشيش طاووق اللي هي العصيان دي 😂
- 7
هنجيب بقا عجينه الكفته و نحط ع مياه البصل اللي شيلناها ف طبق معلقه صغيره صلصه و ملح و فلفل ورشه سكر ونقلب و نفضل قبل ما نعمل كل كوره نبل ايدينا بيها و نفضل نعمل كور حلوه كده و نحاول تكون متساويه ف الحجم علشان يبقي الشكل جميل ❤
- 8
و بعد كده هنشكل بقا عصيان الشيش طاووق نحط بصل بعدين فلفل و كوره كفته و بعدين قطعه طماطم و هكذا و خلي الاولاد يساعدوكو بيتبسطوا اوي بالموضوع ده 😂😍
- 9
هنرسهم بقا ف صينيه كده مدهونه زيت خفيف اوي
- 10
اخر حاجه بقا اللي اتبقي من مياه البصل ع المياه اللي نزلت م الخضار المتقطع وتبلناه نحطهم ع بعض و بفرشه ندهن بقا كل الشيش طاووق
- 11
اخر حاجه هنحطهم بقا ف الفرن لحد ما يستوي و بعدين نفتح الشوايه وممكن يتعمل ع الجريل كمان 😉
- 12
و يقدم مع طحينه و عيش او ارز اصفر و صحتين وهنا 🌷🌷
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
شيش طاووق من غير شيش🥰 شيش طاووق من غير شيش🥰
اكله سريعه من غير فرنشيش طاووق من غير عصيان الشيش#بوفيه_الصيف
-
-
وصفات ننصحك بمشاهدتها
التعليقات (2)