في الخلاط هانضرب كوب الحليب مع كوب السكر وال2 باكو كريم كراميل وأثناء الضرب ننزل بالزيت سرسوب صغير ونضرب كويس جدااا لحد ما الخليط يربط معانا..

نفصل كوب من الخليط علي جنب ودا هايبقي التوبينج..

نضيف علي باقي الخليط اللي ف الخلاط البيضتين والڤانيلا ونضرب كويس تاني..

في اناء خارجي هانكون حاطين الدقيق وعليه الباكينج بودر ومقلبينهم كويس،،ننزل بالخليط عليهم ونقلب كله بمضرب سلك يدوي او كهربائي..

صينية مقاس 26 ندهنها زيت ونصب الخليط ونحطها ف فرن نكون مشغلينه من قبل ما نبدأ ف العجينة ،،ف النص علي درجة 180 او حسب فرنك.. وماتفتحيش عليها نهائي الا بعد مرور 20 دقيقة عشان تختبريها بسكينة اذا كانت استوت ولا لسة عجين من جوه.. هي بتقعد من 30 ل 45 دقيقة علي حسب الفرن..

بعد ما تطلع نستني عليها 5 دقايق تهدى وبعدين ننزل بكوب الصوص اللي كنا فاصلينه من الخليط وبعدين نزين الوش بالكراميل اللي ف عبوة الكريم كراميل الجاهز،،نعمل خطوط متوازية رايحة وجاية ونشدها بالسكينة بالعكس عشان تبقي زي الصورة كدا وبألف هنا 🍮