فى وعاء نضع البيض+الحليب+السكر+الخميرة+الزيت و الملح نخلطهم شوية بالفوى ثم نجمع بالفرينة حتى نتحصل على عجينة طرية تلصق شوية نضع العجينة فوق سطح العمل و ندخل فيها هذيك الزبدة و نغطيها باش تخمر.

بعد خمرت العجينة نفرغها من الهواء ثم نحلها بمساعدة الفرينة على شكل دائرى بسمك رقيق و نقطعها مثلثات نقطعها على أربعة و كل ربع على اربعة نضع م ص من الحشوة فى كل مثلث ثم نلوى كيما الكرواصون الحلو نضعهم فوق صينية الفرن و نخليهم يخمرو شوية.

من بعد ما خمرو نخلط صفار البيض مع الحليب و ندهنهم مليح ثم نرش السانوج من فوق و ندخلهم فرن ساخن حتى يطيبو و يتحمرو.

بالنسبة للحشوة معست قبل الجبن ثم زدت عليه الطون و المعدنوس و خلطتهم.