اول حاجه بغلي اللبن ونتركه على جنب يبقى دافئ (استحمل حرارته)

لما يدفي اللبن بيكون عمل وجه.. في بوله نضع (وجه اللبن + كوب لبن دافئ + اللبن البودر + الزبادي + السكر) ونخلطهم بالمضرب السلك كويس او في الخلاط

ثم ننزل بباقي اللبن على الخليط بالتدريج مع الخلط المستمر بالمضرب السلك

ثم نجيب الاكواب الزجاج بتاع جهاز الزبادي ونضع خليط الزبادي
وعملت جزء بتوبينج بقطع الفراولة عملته الوصفه اللي قبل دي في صفحتي ( نضع ملعقة كبيره من التوبينج ثم نضع ملعقة ونصب فوقها خليط الزبادي علشان ينزل على كوب بشكل متساوي وميتخلطش مع التوبينج زي الصور كده

ثم نضعها في الماكينه ونشغلها ونتركها ٣ ساعات فقط (اكتر من كده ينزل مياه ويمرر)

ولو معندكيش ماكينه نجيب صينينه ونرص اكواب الزبادي (مش متغطيه) ثم نضع ماء مغلي في الصينينه لربع الكوب كده ونغلفها بورق استرتش راب وممكن تدخليه الفرن سابق التسخين ومطفي او بطينينه تطبيقها كذا طبقة ونضع فيها الصينينه ونغطيها ونتركها ٣ ساعات بردو او ٣ ونص وبتكون روعه انا فاض معايا كوبيا عملتها بالطريقه دي

ونشيل الغطا الاول بتاع جهاز الزبادي قبل ما نفصل الكهربا (علشان مياه البخار متنزلش على الزبادي وتبوظ شكله)

وهنلاقي الزبادي متماسك فنغطيه بغطا الكوب وندخلها الثلاجه (لازم ندخله الثلاجه مينفعش ناكله كده علشان عمليه البكتريا لازم بعد الثلاجه) وبالف هنا والمره الجايه هعمله زبادي فراوله كله لون بينك زي بتاع المحلات واحلي ان شاء الله

ملحوظه :
- بعرف منين ان الزبادي استوي يعني او اتظبط بعد ال ٣ ساعات شوفي وهزي الكوب خفيف هتلاقيه متامسك مش سايل يدرب يدخل الثلاجه يمسك اكتر اما لو لاقتيه سايل زودي نص ساعة كمان او ساعة لو في الشتا مش اكتر من كدا نهائي

- لو عايزه الزبادي مزز متحطيش المعلقه الصغيره بتاع السكر (بس هو مظبوط بيها ولا مسكر ولا مزز)

- فايده اللبن البودر بيخلي الزبادي متماسك جداً زي الجاهز

- لو هنضرب الخليط في الخلاط هبعمل رغاوي فنشيلها من الوجه كده علشان يكون شكل الزبادي كويس