يلا بسم الله كدا اول حاجه هنجيب نص كوبايه حليب هنحط عليها نص كيس كابتشينو ونسكافيه(او كوفي ميكس) ونقلب قلب قلب لحد ميدوب

نجيب البسكوت القمر نبله في الحليب بس متسبهوش كتير لو(وان مور) عشان بيطرى بسرعه جدا 😍 ونرص في الصنيه اول طبقه ♡عايزين البسكوت يكون طري

نعمل الصوص اللي بين الطبقات بقي كوبايتين لبن عليهم نص الاكياس الكوفي ميكس والنسكافيه(او الكابتشينو) ونقلب قلب ونحط فانيليا ومعلقتين الكاكاو ونقلب والنشاء كل دا علي البارد وبعدين نفتح النار ونقلب ونحط السكر لو عايزين السمك اتقل نزود معلقه نشا كمان بس بحبه كدا بيكون لذيذ😋 الغرض من التقليب الكتير انه ميكلكعش

علي ميبرد شويه نعمل الجناش
شكولاته متقطعه صغير عليها ربع كميتها حليب ومعلقه زبده ونقلب عشان تسيح مننا

بعد كدا هنرجع للبسكوت نحط عليه طبقه من صوص الشكولاته ونفردها وبحب احط فوق الطبقه جوز هند وسوداني واي مكسرات مبشوره وبعدها اخد طبقه بسكوت اسقيه في لبن واحطه في الصنيه وعليه طبقه صوص لحد ماكل الطبقات تخلص