بنجيب العرق ونغسله بالمياه وأربطه بخيط الدبرا كويس

بنعمل فتحات بسكينه صغيرة سنها رفيع
- ثم نضع (فلفل اسود حصي + ملح) وازقهم ب (ثوم صحيح) وممكن كمان شرايح جزر بالطول

ثم نرش على العرق (ملح + فلفل اسود بودر + توابل لحمة) وندعك العرق كويس من كل الجوانب

بنجيب صينينه كبيره ونضع (سمنه + زيت) يسخن كويس اوي
- ثم ننزل بالعرق ياخذ صادمه ويتشوح من كل الجوانب وياخذ لون كويس

ثم نشيل العرق على جنب
- وفي نفس الطاسه نضع كل الخضار يتشوح
- ثم ننزل بالعرق في النص

وننزل بماء مغلي لنص العرق
- ثم نضع (رشة سكر + ملح)

ثم نغطي الصينينه بورق فويل كويس ونغطي عليها باي غطا حله ونتركها على نار البوتاجاز (نار وسط)

ونتركها لمده ساعة ثم نقلب العرق على الجنب التاني ونتركه ساعة تانيه (حسب وزن العرق)

ونعرف انه استوي لما
- لو وضعت السكينه في العرق ومطلعش مياه يبقى تمام
- وكنان الغيط الملفوف عليه بيكون نطر وطرد الخيط ومش ماسك في العرق زي الاول

وبعد ما يستوي نتركه يبرد تماما ثم نغلفه بورق زبدة ثم ورق فويل ونلفه زي البونبوني وندخلها الثلاجه لتاتي يوم عبشان نقطعها شرايح

وباقي الصوص اللي في الصينينه اوعي ترميه دا هنعمل بيه احلى صوص بني

- بنجيب حله صغيرة ونضع السمنه تسخن ننزل بالدقيق ونقلبه بالمضرب السلك لحد ما لونه يغمق شويه بني فاتح كده ثم ننزل بشوربه وصوص العرق متصفي ونقلب بالمضرب السلك لحد ما يتقل خفيف مش اوي ثم ننزل بصوص الورشستر صوص بيدي طعم حلو وغني وومكن نضع بدله صويا صوص