مبدئيا 😅 هنقطع البصلة حتت صغيرة و ف حلة فيها معلقتين زيت او سمنة زي م تحبوا هنشوح البصلة..

اول م تتشوح شوية نحط اللحمة المتقطعة مكعبات مش كبيرة ولا صغيرة و اد بعض عشان تستوي مع بعض و كويس..

اللحمة تاخد الصدمة و تتشوح شوية نضيف فصين التوم و معلقتين الصلصة و التوابل بتاعتنا ماعدا الملح ف الاخر عشان اللحمة تستوي كويس💖

نسيبهم شوية يتشوحوا مع بعض و نضيف عصير الطماطم و نضيف مايه سخنة و نسيب اللحمة تستوي حوالي ساعة كده او على حسب م هتستوي امتى 💁

اول م اللحمة تستوي نحط الملح و نضيف مايه تاني لو محتاجة و نسيبها تاخد غلوة و بعدين نحط المكرونة و نقلبها كويس و نسيبها تستوي بس ناخد بالنا متعجنش و متتهريش 💖

(اختياري)ف الأخر ممكن نحط رشة بقدونس و لو هنحط فلفل اخضر ف نحطه مع المكرونة و هي بتطيب 💁💖