فتة عدس 🥰♥️
بمناسبة الشتا بقى مفيش حاجة هتدفى احلى من كده 😋♥️
الخطوات
- 1
اول حاجة بغسل العدس كويس لحد م الماء بتاعته تروق و اصفيه
- 2
ف حلة هحط العدس و البصلة اقطعها 4 تربع و الطماطم و الجزر بردو و اغطيهم بالماء و اسيبه حوالي ¼ أو ⅓ ساعة يستوي.. لو هتغطي الحلة سبيها متواربة أو متغطيهاش عشان ميفورش
- 3
لما العدس يطيب لو الماء نقصت اوي ممكن تضيفي شوية ماء مغلية لو تمام يبقى على الخلاط أو الكبة أو الهاند بلندر المتوفر عندك و اضربي العدس باللي عليه لحد م يبقى شوربة.. لو الخلاط بتاعك مبيستحملش السخن سبيه يبرد :')
- 4
معلقتين سمنة ف حلة على النار حمري الشعيرية و ضيفي عليها العدس و خليها تأخذ غلوة عبال م ف طاسة تحمري ٣ فصوص ثوم ف ملعقة سمنة و تطشيهم عليه ♥️ (و الله على الريحة بجد)
- 5
ظبطي التوابل بقى حطي الملح و الكمون و المرقة و اديه تقليبه و ياخذ غلوة و أطفي..(لحد الخطوة دي في ناس بتقف لحد هنا و تاكله بالرز بس الخطوة ال جاية احلى)😍😍
- 6
حطي رغيفين العيش ف الفرن على الشبكة يتحمصوا.. أو قطعيهم و حمصيهم بمعلقتين سمنة على النار زي الفتة و حطيه ف الطبق و حطي عليه العدس و رشة سمنة من فوق بيبقى حاجة تانية بجد 🥰♥️
- 7
.. خطوة اختيارية ممكن تجربوها بجيب بصلة و اقطعها شرايح و أرش عليها حبة دقيق و ملح و احمرها ف الزيت و اصفيه كويس و رشي على وجه الطبق و اللي مش بيحب العدس هيحبه..)
- 8
و بألف هنا 🥰♥️
وصفات مشابهة
-
-
فتة عدس 👌 روعه 😋 فتة عدس 👌 روعه 😋
تركايه خطيره من مطبخ 👨🍳 شـــادي 👨🍳 الخاص
-
-
فتة عدس بالمكرونة فتة عدس بالمكرونة
طبعا معظمكم هتستغربوا من الاكلة دي لان محدش يعرفها كتير وهي اكلة بتاعت جدودنا بس طعمها جبااااااار وحلوة اوووي في الشتا بدفي جدا وبتدي طاقة ماتتوصفش هي مكوناتها كتير بس بجد وصفة تحفة
-
-
-
فتة عدس أصفر بالشعيرية فتة عدس أصفر بالشعيرية
الوصفه دى جدته امى وجدتى وامى بيعملوها كده تمام . ألف هنا وشفا على اللي هياكل .
-
فتة عدس بطريقه جديده فتة عدس بطريقه جديده
فتة عدس بطريقه جديده وطعم ولا اروووعفتت عدس بجد بجد طعم تحفه. الاولاد. بتموووت فيها. وانا طبعا 👈😙😙😙😙
وصفات ننصحك بمشاهدتها
التعليقات