نقطع اطراف التوست..و نبطن قالب الكيك بالنايلون الاسترتش ونبدء نرص التوست في القاعدة و الجوانب

نصف. التونه كويس جداً و نغسلها بالخل و نرجع نصفيها تاني و نخلط عليها معلقتين مايونيز كبار و الخيار المخلل ممكن ذرة صفرا لو متوفرة..و نحضر اللبنه و نحط عليها أي صوص متوفر عندنا او ملعقة كبيرة مايونيز و ندهن التوست من الابنه و ننزل بطبقة تونه و خس و نرجع نرص توست تاني لحد ما نخلص كل الطبقات و نقفل بالتوقيت و النايلون و ندخلها الثلاجة ساعتين على الاقل

بعد مرور الوقت أو يفضل ليلة كاملة بنقلبها بكل سهولة و نشيل النايلون...و نأخذ الجبنة الكريمي و نضربها بالشوكة و نبدأ ندهن القالب كله بيها

نبدأ مرحلة التزيين و ديه اختياريه تماما انا عملت زي جنينة و السور جبنة رومي و الزرع بقدونس و الورد بالفلفل الاحمر و عملت شمس بالفلفل الاصفر زي لوحه لكن طبعاً ديه مرحلة الابداع الخاصة بيكي

خفيفة و حلوة و زي سندويتش في شكل جديد و مبتكر و يفتح نفس الاولاد

جربوها هتحبوها

بالف هنا🥰🥰