مندي الفراخ
التجديد مطلوب فالنهارده هنعمل مندي الدجاج وجبه كامله بطريقه تنفع في البيت سهله وبسيطه وطعمها تحفه زي الجاهز واحلي كمان يارب تعجبكم 😘
مندي الفراخ
التجديد مطلوب فالنهارده هنعمل مندي الدجاج وجبه كامله بطريقه تنفع في البيت سهله وبسيطه وطعمها تحفه زي الجاهز واحلي كمان يارب تعجبكم 😘
الخطوات
- 1
بنغسل الفراخ كويس اوي بالخل والليمون ونتبلها بصله وطماطم صغار وفص توم وفلفل وشطه خضرا بنفرمهم وندعكهم بيها مع التوابل اللي تحبيها ملح فلفل كمون توابل فراخ كركم ونقطه زيت ونسيبها لحد مانبدا
- 2
بنجيب صينيه ونحط الرز البسمتي ممكن نغلسه وممكن لا حسب ماتفضلي بنحط التوابل علي الرز قرفه ليمون مجفف ورق لورا حبهان قرنفل مكعب مرقه ملح وفلفل وكركم بس *بنعد القرنقل وورق لورا عشان نبقي نشيلها بعد ما نسويه * وبنحط معلقه سمنه وبنحط ماء مغلي او شوربه فراخ مغليه مغطيه الرز فوقه شويه ونقلب ونسيب الرز على جمب
- 3
بنجيب شبكه انا عندي فرن صغير فخدت الشبكه اللي فيه وبنحط الشبكه فوق صينيه الرز وبنرص الفراخ عليها وبنصب على الفراخ صوص التتبيله وبنغطيها بالفويل ونحطها في الفرن ممكن نبدل الشبكه بكذا طبقه فويل ونخرمه ونحطه فوق الرز ونرص الفراخ علي الكذا طبقه
- 4
بنسيبها لحد ماتستوي حوالي ساعه ونص ساعتين و بنحطها تحت الشوايه خمس دقائق عشان تحمر
- 5
وبعدين بنكون مولعين فحمه وبعدين نحط حته فويل صغيره وبنحط الفحمه عليها سواء في الرز او في الفراخ زي ما تعرفي ونحط نقطه زيت ونغطيها بسرعه
- 6
بنحضر الصوص بنفرم 2 طماطم وفصين توم وبصله صغيره وفلفل اخضر وشطه خضرا وبعدين بنتبلها برشه كمون وملح وفلفل ومعلقه خل ونقلبهم كويس مع العيش المقلي او المقرمش بتبقي حلوه اوي
- 7
وبكده تكون خلصت بجد طلعت زي الجاهز بالظبط ويمكن احلي بالهنا والشفا ويارب تجربوها وتعجبكم
وصفات مشابهة
-
-
مندي الفراخ اللذيذ 😋💙 مندي الفراخ اللذيذ 😋💙
عملتها على طريقة القمر مروة الشافعي بجد تحفة جداً 💙💙💙
-
-
-
-
-
فراخ و رز مندي فراخ و رز مندي
#ع_طريقتي #ولا_احلا 😍 #سر_الطبخة فراخ ورز مندي بالفرن 👍✌️
وصفات ننصحك بمشاهدتها
التعليقات