تجيبي كوب صغيره, تحطي فيها ملعقة خميره وعليها 2 ملعقة سكر. تحطي شويه مياه, تكون دافيه وتقلبيهم. وبعد تسيبيها, هنلاقيها بعد كده تتضاعف كميه.

عقبال لما تجهز باقي العجينه, هجيب بوله نحط فيها دقيق وزيت و رشه ملح وزبادي والخل ومعلقه زعتر. هتقلبيهم في بعض.

بعد كده تضيفي عليهم كوب, اللي حاطين فيها الخميره والسكر. بعد كده تنزلي على عجينه مياه دافيه, لحد ما تتماسك في بعضها.

ملحوظه : لو لاقيتي العجينه بتلزق في ايديك, ايديها رشه دقيق لحد ما تبقي مش بتلزق في ايديك. وعلشان تفادي كده, حطي شويه مياه وتقليبي لحد ما تتماسك.

وطبعا تكوني مجهزه الفراخ مشوحه في طاسه على النار, او لحمه مفرومه وتكوني مسبكتها. وطبعا ممكن تعمليها خضار وبس.

بعد ما تختمر طبعا, تبقي تاخدي من العجيين وتفريدها جوه (داخل) الصينيه. وتخرمي العجينه بالشوكه. وتكوني داهنه الصينيه زيت.

بعد كده, تكوني مجهزه صلصه وتكوني وضعتي عليها بودر الثوم.

تكوني مولعه الفرن قبلها بربع ساعه كده, يعني لما تبدأ فيها. تولعي الفرن, طبعا اقصد بعد ما اخمرت. تكون على درجه 240 تبقي درجه حراره الفرن عاليه.وتقعد حوالي 12 دقيقة. وطبعا حسب فرن بتاعك ممكن تقعد أقل او اكتر.

نبدأ بقى, تفردي عليها الصلصه وتضيفي باقي المكونات, الخضار كله طبعا وفراخ او لحمه مفرومه وجبنه موزاريلا.

الكميه دي بتعملي 3 بيتزا. لو عاوزه اكتر تضاعفي كميه كلها, ماعدا الخميره والسكر.

طبعا ممكن تعمليها ميني بيتزا.