نحفر الكوسا والباذنجان وبعدين منغسلهم

بنبرش الثومة والبصلة وبتقلبهم شوي بالزيت وبنحط اللحمة بنقلبهم مع بعض لما يتغير لون اللحمة وبنحط الماجي وشوية بهارات وفلفل اسود والملح وبنحركهم مع بعض

بنكون مفرمين البقدونس وبنحطو فوق اللحمة وبنحركهم مع بعض وبنحط الرز بكون منقوع قبل بنص ساعة وبنحركهم مع بعض منيح

بنجيب طنجرة وبنشرح بطاطا وبندورة وثومة دوائر وبنحطها في أسفل الطنجرة وبنحشي الباذنجان وبنحطو في الطنجرة وبنحشي الكوسا وبنحطها فوق الباذنجان

بنحل رب البندورة مع ماء وبنحط ماجي وشوية بهارات وفلفل اسود وبنحطها على الكوسا والباذنجان

بنحطها على الغاز لما تغلي غليتين بنخفف الغاز وبنحط صحن على الكوسا بدها ساعة أو ساعة إلا ربع

وصحتين وهناا