التعليقات على وصفة
فطائر باللبن الرايب على طريقتي
🌾🌷 Jannah&sarah's Kitchen🌷🌾 @Sarah_kitchen
بعد اذن صاحبة الوصفة طبعا ✋ بالعكس المقادير مظبوطة ممكن تقل معاكي ربع كوباية مثلا على حسب نوع الدقيق بتختلف كمية السوائل فأنتي اعجني بكوباية لبن رايب وزودي اللبن الحليب بالتدريج لان كل نوع دقيق بيختلف عن التاني في احتياجة لكمية السوائل
Chef Sarah Eltwabty @Sarah_S_Gourmet
كمية السائل فعلا ممكن تقل معلقتين تلاته أو تزيد علي حسب نوع الدقيق ، و كمان نسبة الرطوبة في الجو ، و برودة أو دفئ الجو كلها عوامل بتأثر علي كمية السوائل في العجن ، و كمان مدة العجن كمان بتفرق
🌾🌷 Jannah&sarah's Kitchen🌷🌾 @Sarah_kitchen
بالظبط 👌 وكمان الفطاير لازم تكون عجينتها بتلزق سنة عشان تطلع هشة وجميلة زي ما انتي عملاها كدة اللهم بارك 😋 ربنا يحسن ما بين ايديكي يارب 🌹
Marwa Arafa @marwa_arafa
الدقيق مش كافي لعمل عجينة
نص كيلو دقيق على كيلو رايب ونص كيلو حليب ازاي؟
نص كيلو دقيق على كيلو رايب ونص كيلو حليب ازاي؟
Chef Sarah Eltwabty @Sarah_S_Gourmet
عادي والله مش عاجباكي كمية الدقيق متجربيهاش الموضوع بسيط
Marwa Arafa @marwa_arafa
مش كدا انا بعملها فعلا زي الوصفة اللي حضرتك كاتباها بس النتيجة سايلة جدا فبسأل على انها اكيد غلطة ف تقوليلى اعمل ايه
Chef Sarah Eltwabty @Sarah_S_Gourmet
إزاي سايلة و أنا عاملاها بنفس المقادير
و عموما حضرتك ممكن تضيفي الحليب بالتدريج علي حسب ما العجينة بتحتاج ، و ممكن تزودي شوية دقيق ، و هي عجينة ملزءة شويه مش زي عجينة البيتزا
و عموما حضرتك ممكن تضيفي الحليب بالتدريج علي حسب ما العجينة بتحتاج ، و ممكن تزودي شوية دقيق ، و هي عجينة ملزءة شويه مش زي عجينة البيتزا
Chef Sarah Eltwabty @Sarah_S_Gourmet
كيلو دقيق !!!!؟ أكيد في إضافة عندك غلط لإنك حتي لو حطيتي كمية السوائل كلها و كانت محتاجه دقيق مش هاتزودي أكتر من 100 جرام ، حضرتك أكيد في حاجه عندك غلط لإن كيلو الدقيق في العادي بياخد سوائل من 2 كوب إلي 3 علي حسب نوع العجينة
Chef Sarah Eltwabty @Sarah_S_Gourmet
هل حضرتك بتستخدمي الكوب العياري و الميزان و لا بتستخدمي إيه
Chef Sarah Eltwabty @Sarah_S_Gourmet
أنا مشفتش خالص كمية السائل ، عموما ممكن مترميش العجينة و تستفيدي بيها بإنك تعمل بان كيك حلو و حادق كمان ، ممكن تزودي بيض علي العجينة و عجينة البان كيك طبعا سائلة
Marwa Arafa @marwa_arafa
مش بنحب البان كيك للأسف
طيب ممكن اعملها عجينة بيتزا واعينها ف الفريزر؟
طيب ممكن اعملها عجينة بيتزا واعينها ف الفريزر؟
Chef Sarah Eltwabty @Sarah_S_Gourmet
لأ البيتزا مش بيتحط فيها و لا حليب و لا لبن رايب ، بس ممكن تزودي دقيق و تعملي منها فطائر عادي و تتشال في الفريزر بس الأفضل بعد ماتسويها ، علشان العجين أنا مش بقتنع بيه متفرز
(معدّل)
