التعليقات على وصفة
فشار بالكراميل
Dalia Solaiman @daliasoliman75
لا يا حبيبتي من غير كربونات ولا حاجة ، اول ما السكر كله يسيح حطي مكعب الزبده وقلبي لما يسيح بس اهم حاجة تعملي الفشار ساعتها على طول علشان يكون الفشار سخن والكراميل سخن لان الكراميل بيجمد بعدها
Dalia Solaiman @daliasoliman75
نفس الطريقة يا حبيبتي بس متحطيش زبدة على الكراميل ، بعد ما السكر يدوب ويكرمل حطي ربع معلقة صغيرة بيكنج صودا (كربوناتو) وقلبي هتلاقيه بيفور شوية هدي النار خالص وقلبي تقليبتين وحطيه على الفشار وقلبيه وبالهنا والشفا
(معدّل)
Loaloa Fahd @cook_25130666
طيب ممكن اعرف المكونات ايه يعني كام كوب سكر علي كام كوب ماء و النار هاديه ولا عاليه
عشان كل لما اعمله مش بيكرمل بيعمل سكر تاني و بينشف خالص
عشان كل لما اعمله مش بيكرمل بيعمل سكر تاني و بينشف خالص
(معدّل)
Dalia Solaiman @daliasoliman75
بصي انا بحط حسب كمية الفشار يعني لو الفشار مش كتير بحط نصف كوب سكر وحطيه في حله او كزروله حجمها مناسب بحيث يكون السكر مغطي قاعدتها كلها ومتكونش صغيرة علشان تكون الحرارة واصلة لكل السكر ، النار وسط ومتقلبيش خالص بالمعلقة لحد ما تلاقي انه جزء كبير من السكر داب ساعتها ممكن تقلبي بالمعلقة وتهدي النار شويه لحد الباقي ما يدوب وخدي بالك علشان لونه ميغمقش جامد ويمرر ، بعد كده حطي مكعب الزبده او الكربوناتو ووطي النار خالص وقلبي تقليبتين وضيفيه على الفشار ، بعد ما تقلبيه كويس على الفشار نزليه على ورق زبدة او في صينيه كبيرة واستني لما الكراميل ينشف وده شيئ طبيعي وفرطي الفشار من بعضه وحطيه في طبق التقديم
