#فلسطين_داري
من واحنا صغار واحنا بنعشق نتسلق شجرة التين والشاطر اللي بيلقّلط أكبر وأحسن و أحلى تينة ،فعلا كان اطيب تين هو التين اللي بناكله مباشرة من الشجرة.
كانت من طقوس والدي الله يرحمه انه كل موسم قطاف من عنب ،تين، زيتون، ودراق كان يحب كل الأهل والجيران يشاركونا فيه كان فيه يوم مخصص لنوزع اكياس القطاف عالناس. فعلاً كانت من أحلى وأجمل لحظات العمر شو كان حلو لما كنا ندُق باب الجيران ونتسابق انا وأخوي مين بده يعطي الكيس للجيران ويحكي مرحبا ابوي قطف اليوم هدول التينات وبده اياكم تدوقوا ..... واللي كان يزيد من التين كان يسويلنا اياه مربى.
ولهيك ربطت اليوم أحلى ذكريات كانت الى بالماضي وبطفولتي وكل لحظة (حليب بودرة) عشتها مع والدي بمربى التين وهو المربى المُفضل اله... بهذا المرطبان في حصاد ذكريات الماضي واللحلظات الحلوة اللي ما بتنتسى وبتبقى محفورة بقلبي قبل عقلي .... من ريحة الارض ومن ريحة .... بلادي بقدملكم وصفة مربى التين السهلة والشهية #فلسطين داري