نحط الما ومغرف خميرة وسكر نخلطهم بالفوي مليح

نضيف عليهم زوج كيسان فرينة (طحين او دقيق)

نخلطهم ونخليهم يتخمرو عشر دقائق

كي تتفاعل الخميرة نزيد نحط زوج كيسان وربع ونضرب بيدي زوج دقائق جهد ما يتلايم

نغطيه ونخليه عشر دقائق يتخمر

نزيد نضربو خمس دقائق فقط ونعاود نخطو يخمر

من الاحسن قدام الشوفاج ونخليه حتى يخمر مليح

كي يخمر نهبطلو لخمور تاعو ونقرصو حجم متساوي ماشي كبير ماشي صغير

طريقة الطهي :

مقلاة ندير فيها مغرف زيت وكسرونة تكون ملمومة نصفها زيت ونبدأ نتقب في الوسط وندور يعني نفتح حتى يولي شكل مدور كيما اي مثل اي مثل فالشكل نخطو فالمقلة زوج دقائق يحكم روحو مبعد نرفدو بمغرف كبيرة نحطو فالكسرونة ومنقيسش عليه الزيت متقيسوش الزيت لانو يشربها خلوه يحمر متحت واقلبوه يتنفخ بلخف وبصحتكم