نقوم بإحضار إناء لي نخلطو فيه نبدأ نحط الفرينة و ندير في نصف على شكل فجوا ونحطو خميرة وسكر وكأس ماء دافئ وتخليها تتفاعل حتى 15دقيقة وبعد نضيف زيت وبيض مخفوق ونخلطو وبعدين نضيفو ملح ونخلطو اوكل مرة نضيفو الماء ألزم العجينة دجي تتلصق في اليد وبعدين نعجنوها حتي 10دقيقة وبعدين نحطوه تختمير ساعة وبعد ما تختمير نحكمو العجينة نعجنوها بصوابع نتع اليد وبعدين تشكلها دوائر ولا تلوزيها أو متخافيش اذا القتيها تتلصق حطي شوية فرينة في أصابع اليد أو حلي الكريات بأصابع اليد على شكل دائر أو حطيها على كف يدك

وفي نصف حطي الحشوة وسكريها مليح وبعد عودي شكلها دائر أو حطيها في بلاطو مدهون بزبدة حطيهم حبة قودم اختها صاير دائر حتى تتحصلي على شكل عوش النحلة وبعدين تدهنيه من فوق بيض وشوية حليب نخلطهم وتدهني وتفرغي من فوق سينوج (حبة البركة) أو جلجلان (سمسم) ونحطو في الفرن كل مشعول من قبل نشعل من تحت وتخليها حتى طيب من الجوانب يحمر نطفي من تحت نشعل من الفوق كي يحمر نطفي عليها وتخليها تبرد شوية

اما الحشوة : حكمت صدر دجاجة مقطع الى قطع صغيرة تبلتو بالتوابل وملح وزيت حطيتو اطيب فوق النار وضفتلو فلفل مقطع الى قطع صغيرة وزتلو شوية حليب باه اطيب رطب مجيش يابس أو كي طاب حطيتو ومن جيهة أخرى قطعت زيتون أسود الى قطع صغيرة ونجيبو فرماج (جبنة) ونقطعو أو كي حطيت الحشوة حطيت قطع دجاج وبعد زيتون وبعدين فرماج (جبنة) وسكرت عليها والحشوة راهو إختياري جربيها والله ما تندمي جا خفيف اهبل😋😋👍👍😘