चणाडाळ स्वच्छ धुवून रात्रभर भिजत ठेवावी, सकाळी त्यातील पाणी काढून टाकावे, स्वच्छ पाणी टाकून डाळ शिजवून घ्यावी. डाळ पूर्ण शिजवून झाली की त्यात गूळ घालावा.

गुळ व्यवस्थित डाळीत वीतल्यावर वेलची व जायफळ पावडर घालून ढवळून घ्यावा, डाळ थंड झाल्यावर त्याचे पुरण करून घ्यावे.

एका परातीत मैदा घेऊन, त्यात मीठ व थोडी हळद घालून पीठ मळून घ्यावे पिठाची छोटी गोळी घेऊन त्याची पुरी लाटावी, त्यावर पुरण ठेवावे.

पुरीच्या सगळ्या कडा एकत्र करून घ्याव्या व गोळा थोडा दाबावा व त्याची पोळी लाटून घ्यावी.

पोळी दोन्ही बाजूंनी व्यवस्थित तूप लावून खमंग भाजून घ्यावी.