सर्वात प्रथम आपण गव्हाचे पीठ आणि तांदळाचे पीठ मिक्स करू.एका सॉफ्ट कापडामध्ये पिठाची पोटली बांधून घेऊ. नंतर कुकर मध्ये पाणी घालून,त्यावर एक डिश ठेवून, नंतर एका प्लेटमध्ये पिठाची पोटली ठेवून कुकरमध्ये 20 मिनिटापर्यंत वाफवून घ्या.

वाफुवून घेतल्यावर पोटली बाहेर काढा. पीठ थोडे कडक झाले असेल ते फोडून चाळणीने चाळून घ्या.आता त्या पीठामध्ये ओवा,हळद,लाल मिरची पावडर, मीठ, आणि तीळ टाकून थोडे थोडे पाणी घालून पीठ मळून घ्या.

आता मळलेल्या पिठाचा गोळा घेऊन त्याला तेलाचा हात लावा.आणि सोऱ्या मधून छान गोल चकल्या पाडून घ्या.

कढईमध्ये तेल गरम होण्यासाठी ठेवा.आता बनवलेल्या चकल्या तेलामध्ये छान खरपूस तळून घ्या. गव्हाच्या पिठाच्या चकल्या करताना त्यात मोहन घालण्याची काही आवश्यकता नाही. मोहन टाकले तर ते तेलामध्ये विरघळून जातात.

तयार आहेत आपल्या खमंग आणि खुसखुशीत गव्हाच्या पिठाचा चकल्या खायला खूप टेस्टी आणि कुरकुरीत लागतात.