نجيب الكيلة تاع الطعام ونشمخو بالماء. نحطو في قصعة ونخليه ينشف

من بعد مانشف نضيفلو القليل من الزيت ونحركو مليح نحطو فالكسكاش باش يتفور

بعد ما تفور نخليه فالكسكاس ونضيفلو قرسة ملح وشوية زيت من بعد نجيب الكيلة لي كيلت بيها الطعام ونعمرها ماء ساخن ونضيفو فوق الطعام

ونزيد نصف الكيلة أخرة من الماء الساخن ونضيفو

نحط الطعام فالقصعة ونضيفلو هاذاك الماء لي قطر من الكسكاس

ونخليه يشرب هذاك الماء تاعو من بعد نفور الجلبانة (البازيلا)

بعد مانشف هذاك الماء نزيد نفورو التفوار الاخير ونضيفلو ملعقة كبيرة مرغرين ونقدمو في صحن التقديم