خبيزات محشية بالكريمة
إفتح في تطبيق كوكبادالخطوات
- 1
نبدا بالعجينة؛ نجيب إناء نحط فيه الحليب وخميرة الخبز والسكر ونغطيهم بكيس بلاستيكي ونخليهم 5دقائق ، من بعد نضيف البيضة والفاني ونخلط ونزيد الخميرة الكيميائية والملح والفرينة بالتدريج حتى نتحصل على عجينة تتلاصق في اليد نزيدلها الزبدة تكون طرية ونحاول ندخلها مليح في لعجينة من بعد نغطيها ونخليها تختمر وكل 10دقيقة نهبطلها التخمار مرتين أو ثلاث مرات.
- 2
كي يتضاعف حجم العجينة نكسرلها التخمار ونقسمها ل9 كويرات ونحطهم في صينية فرن فيها ورق الطهي ونبعدهم على بعضاهم ونخليهم يختامرو مليح من بعد ندهنهم بصفار البيض مخلط معاه القهوة وندخلهم للفرن على درجة حرارة 180 درجة وكي يطيبو من تحت نشعل عليهم من فوق باه ياخذو تحميرة خفيفة وكي يطيبو نخليهم يبردو.
- 3
نحضر الكريمة: نحط في كسرونة الحليب والسكر والمايزينة ومبشور الليمون ونحطها على نار هادية ونبقى نحرك حتى نتحصل على كريمة نحيها من النار و نزيدلها الفاني والزبدة، نفرغها في صحن ونغطيها.
- 4
بعد ما بردو لخبيزات نقطعهم في الوسط ونحشيهم بالكريمة وندهنهم بالمربى ونرش عليهم حلوةالفارميسال الملونة او السكر الناعم أو مكسرات (حسب الرغبة) أنا زينت بحلوة الفارميسال الملونة مقدرتش نصور على خاطر ملحقتش كلاوهم كامل 😋
- 5
شهية طيبة😊
كلمات ذات صلة
وصفات مشابهة
وصفات ننصحك بمشاهدتها
التعليقات (3)