هامبرجر بيتي بكل تكاته 👍🏼💪🏼❤
هامبرجر بيتي اطعم من برااا وتحدي 💪🏼 وعلي الاقل مضمون وبنص كيلو لحمة مفروم و هتعملي كمية حلوة ومكونات بسيطة ❤
هامبرجر بيتي بكل تكاته 👍🏼💪🏼❤
هامبرجر بيتي اطعم من برااا وتحدي 💪🏼 وعلي الاقل مضمون وبنص كيلو لحمة مفروم و هتعملي كمية حلوة ومكونات بسيطة ❤
إفتح في تطبيق كوكبادالخطوات
- 1
هنجيب البصلة ونبشرها في طبق لوحده ونرش عليها حبة ملح عشان تنزل كل الماية ال فيها
- 2
نجيب بولة ونحط فيها اللحمة والبهارات كلها والبقسماط والببكنج باودر ونقلبهم كويس
- 3
نبتدى نعصر البصلة جامد ونصفي الماية منها كويس وناخد البصلة نحطها عاللحمة ونقلبهم كويس
- 4
نبتدى نجيب مكبس الهامبرجر لو عندك لو مش متوفر اي غطا باي مقاس انتي عايزاه انا عن نفسي جيبت علبة الجبنة المثلثات وحطيت كيسه وكورت اللحمة وحطيتها وكبستها وغطيتها بطبقة كيس تانية وكبست كويس بايدي عشان يتفرد
- 5
زي الصور كدا بلظبط والكيس عشان اللحمة متلزقش
- 6
ودى النتيجة بتعمليها بأي سمك انتي عايزاه واي حجم انتي بتحبيه وتبتدي ترصيهم في اي حاجة
- 7
تعملي صف وتحطي كيس تاني فوق اول صف وتبتدي ترصي الصف التاني لحد ما تخلص الكمية معاكي
- 8
وتحطيه في الفريز شوية نص ساعة علي الاقل وبعدين تجيبي طاسة وتحطي فيها شعرة زيت وتبتدي تحمر واحدة واحدة
- 9
وممكن بقا في عيش كيزر وتحطي كاتشب ومايونيز وطماطم وخس وخيار مخلل وقطعة جبنة شيدر وانتي وذوقك بقا ♥ وبألف هنا
وصفات مشابهة
وصفات ننصحك بمشاهدتها
التعليقات